Sasakala Desa Pajambon

Posted: 11 November 2011 in Uncategorized

Wasta : Diana Hasnah

Kelas : XI IPA3

Pancén : Basa Sunda

SASAKALA DESA PAJAMBON

Désa Pajambon mangrupikeun désa nu aya di pang kulonna di Kacamatan Kramatmulya Kabupaten Kuningan. Kinten-kinten taun 1804 aya kajadian marebutkeun salah sahiji daérah di Désa Ragawacana, anu tungtungna diputuskeun eta daérah nu di parebutkeun téh diwangun jadi désa anyar. Désa Ragawacana ogé dibagi janten dua désa, nyaeta Désa Ragawacana sareng Désa Pajambon (daérah anu diparebutkeun). Kecap Pajambon dicandak tina nami salah sahiji wilayah nu kapungkur aya di Ragawacana nyaéta Pajambuan. Pajambuan mangrupikeun tempat nu kacida lobana tangkal jambu.

Dina mimiti ngadegna Désa Pajambon, Bapa Munaim nu ngajabat janten Kuwu mimiti. Dina ngajalankeun tugasna Bapa Munaim dibantosan ku bapa-bapa nu biasa disebat bapa buyut. Bapa Buyut mangrupikeun jalmi anu dipiwarang ku salah sahiji pangeran anu namina Pangeran Aria Kamuning. Nami-nami buyutna diantawisna :

  1. Bapa Buyut Jambon (dipapancénan ngawangun Desa Pajambon dina bidang pertanian nyaeta melak paré)
  2. Bapa Buyut Jaga (dipapancénan ngajaga daérah Désa Pajambon)
  3. Bapa Buyut Hawuk (dipapancénan nyadiakeun dahareun)
  4. Bapa Buyut Saneb (dipapancénan nganaséhatan kuwu)
  5. Bapa Buyut Kasan (dipapancénan janten bagian umum)
  6. Bapa Buyut Syura
  7. Bapa Buyut Banteng (dipapancénan ngajaga daérah Pamalayan dina waktos Sunan Bonang ti Cirebon bade papendak sareng kuwu)

Buyut-buyut nu disebatkeun ayeuna parantos tilar ti dunya sareng dimakamkeun di daérah Désa Pajambon. Di handap ieu mangrupikeun tempat pamakamanna :

  1. Bapa Buyut Jambon pernahna di kampung Kaliwon Désa Pajambon
  2. Bapa Buyut Jaga pernahna di kampung Pahing Désa Pajambon
  3. Bapa Buyut Hawuk pernahna di kampung Manis Désa Pajambon
  4. Bapa Buyut Saneb pernahna di kampung Puhun Désa Pajambon
  5. Bapa Buyut Kasan pernahna di kampung Wagé Désa Pajambon
  6. Bapa Buyut Syura pernahna di pamakaman Astana Gede Désa Pajambon
  7. Bapa Buyut Banteng pernahna di Kaliwon Désa Pajambon

Di handap ieu mangrupikeun name-nami nu pernah janten kuwu di Désa Pajambon, nyaéta :

  1. Bapa Munaim
  2. Bapa Syura
  3. Bapa Munara
  4. Bapa Wangsa Paringga
  5. Bapa Aspan
  6. Bapa Sulam
  7. Bapa Adun
  8. Bapa Wangsa Sasmita
  9. Bapa E. Samsuri Sukarya Santana
  10. Bapa A. Saepudin
  11.  Bapa Asari Supridi
  12. Bapa Achmad Muksin
  13. Bapa Asari Supriadi

Di handap ieu ogé aya 3 kabiasaan masarakat Désa Pajambon, nyaéta :

Mapag Sri (Mapag hartosna ngajemput, sareng sri hartosna paré. Janten tiasa dihartikeun salah sahiji kabiasaan anu dipidamel ku masarakat Désa Pajambon dina waktos bade dongkap panén paré. Maksad sareng tujuanna nyaeta supados hasil panén pare tiasa nyugemakeun sareng kenging barokah ti Allah SWT tur sukuran nikmat nu parantos sareng bade dipasihan ku Allah SWT.)
Babarit (Mangrupikeun kabiasaan anu biasa dipidamel ku masarakat Désa Pajambon nu maksad sareng tujuanna pikeun nolak bala dina waktos ngalaksanakeun sukuran nuju melak pare. Tempat ngalaksanakeunna nyaéta di pamakaman buyut-buyut nu aya di Désa Pajambon.)
Sidekah Bumi (Mangrupikeun hiji kabiasaan nu iasa dipidamel upami aya kajadian lini, nu tujuanna supados ditangtayungan sareng dipasihan kakiatan ku Allah SWT.

Tapi kusabab parantos kabantun ku zaman modern sareng teknologi nu beuki canggih, ayeuna mah til adat istiadat di luhur parantos teu dipidamel deui ku masarakat Désa Pajambon.

Komentar
  1. derst mengatakan:

    saya sebagai anak kampung desa pajambon,yang merantau merasa senang end bangga telah di buka wisata d kampung saya,klu bsa objek wisata ini lebih banyak lagi di muat2 berita,di tanyangan di televisi,end media elektronik ,media masa,supaya bisa di kenal seluruh pelosok nusantra end mancan negara.Smoga desa pajambon menjadi Objek wisata terkenal di seluruh dunia. Amin……………
    Salam bahagia dr sy,smoga desaku tercinta menjadi objek wisata yang penuh(banjir) di datangin oleh wisata lokal maupun asing,harapan kt smua mudah -mudah menjadi objek wisata internasional,ga kalah ma bali

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s